Монголын Банк Бус Санхүүгийн Байгууллагуудын Холбооноос уламжлал болгон зохион байгуулдаг “НОГООН ИРЭЭДҮЙ” сэдэвт гар зургийн уралдааныг 9 дахь жилдээ амжилттай зохион байгуулагдаж уралдааны дүн гарлаа. Энэ жилийн уралдааны хувьд бяцхан зураачид маань өөрсдийн бүтээл санаагаа тайлбарлаж, бүтээлээрээ дамжуулан хүрээлэн буй байгаль орчноо хайрлан хамгаалахад гэр бүл, дуртай хүүхэлдэйн баатруудаа оруулан Ногоон ирээдүйг хэрхэн бүтээж, дүрсэлж харуулж байгаа нь эцэг эхчүүд болон зохион байгуулагчдын сэтгэлийг хөндөж байсан юм. Гар зургийн уралдаанд 111 бүтээл ирснээс мэргэжлийн зураач шүүгчээр ажиллан бүтээлийн уран сэтгэмж, зурах техник, бүтээлч байдлыг харгалзан үзэж дараах 9 хүүхэд шилдгээр шалгарлаа.
4-6 насны ангилалд:
Тэргүүн байр Б.Азжаргал Их Ирээдүй Капитал ББСБ-ын харилцагчийн хүүхэд
Дэд байр Б.Сондор Транскапитал ББСБ-ын ажилтны хүүхэд
Гутгаар байр Э.Есүйлэн Газар Капитал Партнерс ББСБ-ын ажилтны хүүхэд
7-9 насны ангилалд:
Тэргүүн байр Ц.Марта Транскапитал ББСБ-ын харилцагчийн хүүхэд
Дэд байр А.Сийлэн БИД ББСБ-ын ажилтны хүүхэд
Гутгаар байр О.Өнөрзул Омни Капитал ББСБ-ын ажилтны хүүхэд
10-12 насны ангилалд:
Тэргүүн байр О.Гэгээнбилэг Газар Капитал Партнерс ББСБ-ын ажилтны хүүхэд
Дэд байр Ц.Мишээл Газар Капитал Партнерс ББСБ-ын харилцагчийн хүүхэд
Гутгаар байр Б.Дөлгөөн Хөгжил финанс ББСБ-ын харилцагчийн хүүхэд шалгарлаа.
Шагналт байранд шалгарсан хүүхдүүдэд гар зургийн уралдааныг ивээн тэтгэгч байгууллагуудын зүгээс шагналыг гардуулав.
Тэргүүн байранд Өргөмжлөл 200.000 төгрөгийн мөнгөн шагнал, гарын бэлэг
Дэд байранд Өргөмжлөл 150.000 төгрөгийн мөнгөн шагнал, гарын бэлэг
Гутгаар байранд Өргөмжлөл 100.000 төгрөгийн мөнгөн шагнал, гарын бэлэг
Бүтээлээ ирүүлсэн хүүхэд бүрт Талархлын бичиг гарын бэлэг гардуулав.
Жуниор Натур Инвест ББСБ-ын Гүйцэтгэх захирал Д.Ганцэцэг
Шийдэл Финанс ББСБ-ын Гүйцэтгэх захирал Ч.Баатар
Солонго Капитал ББСБ-ын Гүйцэтгэх захирал Ц.Отгонбилэг захирал болон
хамт олонд бүтээлээ ирүүлсэн нийт хүүхэд багачуудын өмнөөс талархалаа илэрхийлье.
Айл гэрийн амин эрдэнэ, эх орны баясгалант ирээдүй болсон хүүхэд багачууддаа баярын мэнд хүргэе.
