МББСБХолбооны гишүүн ББСБ-уудад “ТИТАН СИ АР ЭЙ ЗМС” ХХК-ийн зээлийн мэдээллийн үйлчилгээг танилцуулах цахим уулзалт амжилттай болж өндөрлөлөө. -Санхүүгийн Зохицуулах Хороо ББСБ-ын газрын дарга Б.Итгэлсүрэн: Санхүүгийн Зохицуулах Хороо нь санхүүгийн хэрэглэгчдийн эрх ашгийг хамгаалах үндсэн чиг үүргийг хэрэгжүүлж ажилдаг энэ хүрээнд зээлдэгчийн эрх ашгийг хамгаалахад зохицуулалтын арга хэмжээг авч ажиллаж байна. Ялангуяа сүүлийн үед финтекийн зээлийн бүтээгдэхүүн үйлчилгээ өргөжиж байгаатай холбогдуулан ББСБ-н зээлийн үйл ажиллагааны журмыг боловсруулан хууль зүйн яаманд хүргүүлэн ажиллаж байна. Монголбанк урт хугацаанд Зээлийн мэдээллийн санг хариуцаж ажилласан одоо хувийн сектор шилжиж байгаа нь зөв зүйтэй алхам болсон гэж дүгнэж байна.
Монголбанкны зээлийн мэдээллийн албаны дарга Б.Баасандорж: Хуучин бол бид муу зээлдэгч болохгүй бол яахав гэдэг загвараар явдаг байсан бол зээлдэгч зэрэглэл гэдэг зүйл гараад ирэхээр өрийн дарамтаас сэргийлэх, ашигт ажиллагаа дээшлэх , зээлийн эргэн төлөлт сайжрах зэрэг эерэг хүлээлтийг бид хүлээж байна. Титан Си Ар Эй Зээлийн мэдээллийн сан ХХК гүйцэтгэх захирал Д.Энхцацрал нар танилцуулга мэдээлэл хийж, хуралд оролцож буй ББСБ-н төлөөлөл сонирхсон асуултандаа хариулт авлаа . Уг уулзалтанд Холбооны гишүүн 105 ББСБ-н удирдлага, мэргэжилтэнгүүд оролцлоо. Уулзалтын төгсгөлд Монголын Банк Бус Санхүүгийн Байгууллагуудын Холбооны гүйцэтгэх захирал А.Мөнхбаяр МББСБХолбоотой хамтран ажиллахаар болж буй Титан Си Ар Эй ЗМС ХХК -н нийт хамт олонд амжилт хүсье мөн СЗХ-ны ББСБ-ын газрын дарга Б.Итгэлсүрэн, Монголбанкны Зээлийн мэдээллийн албаны дарга Б.Баасандорж оролцогч байгууллагын төлөөлөлд талархал илэрхийлж амжилт хүслээ.
