Монголын Банк Бус Санхүүгийн Байгууллагуудын Холбооны дэргэдэх “КОМПЛАЕНСИЙН МЭРГЭЖЛИЙН ЗӨВЛӨЛ”-ийн анхны хурал 2022 оны 03-р сарын 15-ны өдөр 16:00 цагт Санхүүгийн зохицуулах хорооны хурлын танхимд амжилттай зохион байгуулагдлаа.
Мэргэжлийн зөвлөлийн хурлаар дараах сэдвээр танилцуулга хийж санал бодлоо солилцов.
Холбооны удирдах зөвлөлийн гишүүн, КМЗөвлөлийн үүсгэн байгуулагч Д.Цолмон: Комплаенсын мэргэжлийн зөвлөл байгуулах шаардлага, зорилго, зорилго болон хэрэгжүүлэх үйл ажиллагааны талаар мэдээлэл.
СЗХ, Банк бус санхүүгийн байгууллагын газрын дарга Б.Итгэлсүрэн: Санхүүгийн Зохицуулах Хорооноос Банк Бус Санхүүгийн Байгууллагуудад чиглэсэн хэрэгжүүлж буй бодлогын талаар.
Корпорацийн санхүү, Эдийн засаг, эрх зүй судлалын төвийн захирал З.Нарантуяа: Санхүүгийн байгууллагуудын эдийн засаг, эрх зүйн асуудал, комплаенсын ач холбогдол.
КМЗ дарга Б.Нямжаргал, КМЗ дэд дарга С.Амартүвшин: Комплаенсын сарын хүрээнд зохион байгуулагдах үйл ажиллагааны талаарх дэлгэрэнгүй мэдээллэл өглөө.
Уг хуралд танхимаар 36 хүн, цахим буюу zoom meeting-ээр 34 ББСБ төлөөлөл оролцлоо.
2022 оны 3-р сарыг Комплаенсийн сар болгож байгаатай холбоотой сургалтуудыг зарлах, мэдээллүүдийг доорх Facebook группээр дамжуулж явуулах тул та бүхэн грууптээ идэвхтэй нэгдээрэй.
