Санхүүгийн зохицуулах хороотой уулзалт зохион байгууллаа.
- By admin
- In Үндсэн мэдээ
- 0 comment
Банк бус санхүүгийн байгууллагын салбарт тулгамдаж буй асуудлыг хамтран шийдвэрлэх зорилготой уулзалтыг Санхүүгийн зохицуулах хороо, МББСБХолбооны Удирдах зөвлөл, Хяналтын зөвлөл, гишүүн байгууллагуудын удирдлагуудыг оролцуулан 10-р сарын 9-ний өдөр зохион байгууллаа.
Уулзалтаар МББСБХолбооны зүгээс хэрэгжүүлж буй “Дунд хугацааны стратеги төлөвлөгөө” болон “Харилцагчийг хамгаалах бодлогын баримт бичиг боловсруулах үйл ажиллагааны төлөвлөгөө”-г танилцуулан хэлэлцүүллээ.
Түүнчлэн салбарын хөгжилд нэн чухал ялангуяа Холбооны сургалтын дэд бүтцийг сайжруулах зорилгоор өөрийн байртай болох асуудал, түүнийг гишүүн байгууллагуудын хандив дэмжлэг болон бусад санхүүгийн шийдлээр шийдвэрлэхээр ажиллаж буйгаа танилцуулж санал солилцлоо.
Хөтөлбөрийн хүрээнд СЗХорооны ББСБГазрын дарга Б.Итгэлсүрэн Банк бус санхүүгийн байгууллагын салбарт мөрдөгдөж буй хэм хэмжээний актыг цэгцлэхтэй холбоотой танилцуулга хийсэн бол ХШЗохицуулалтын газрын дарга Б.Долгорсүрэн хяналт шалгалттай холбоотойгоор тулгамдаж буй асуудлуудын талаар мэдээлэл өгч, санал солилцлоо.
Дээрх мэдээллийн хүрээнд СЗХорооны “Банк бус санхүүгийн үйл ажиллагааны болон зохистой харьцааны шалгуур үзүүлэлтийг тооцож, хяналт тавих журам”-ыг шинэчлэн батлах, “Хувь нийлүүлсэн хөрөнгийн хэмжээг нэмэгдүүлэх, хорогдуулах, шинээр хувьцаа гаргах, худалдах, шилжүүлэхэд мөрдөх журам”-д нэмэлт хавсралт оруулахаар СЗХ-ны вэб сайт /Санхүүгийн зохицуулах хороо :: FRC.mn/-д журмуудын төсөл байршсан талаарх мэдээллийг яаралтайгаар хүргэж байна.
Тиймээс гишүүд Та бүхэн дээрх журмуудын төслүүдтэй танилцан, тусгах саналаа 10-р сарын 14 /Даваа гариг/-ний дотор ceo@bbsb.mn хаягаар Холбоонд ирүүлж хамтран ажиллана уу. Эсвэл холбогдох саналаа СЗХороо руу шууд хүргүүлэх боломжтой.
You may also like
НИЙТ БАНК БУС САНХҮҮГИЙН БАЙГУУЛЛАГУУДЫН АНХААРАЛД
- October 17, 2024
- by Х. Бат-Ирээдүй
- in Үндсэн мэдээ