МҮХАҮТ, МББСБХ ХАМТРАН АЖИЛЛАХ САНАМЖ БИЧИГ БАЙГУУЛЛАА

Бизнесийн таатай орчныг бүрдүүлэх, хувийн хэвшлийн нийтлэг эрх ашгийг хамгаалах, хууль эрх зүй, зах зээлийн судалгаа шинжилгээ, тэдгээрийн зохих хөгжүүлэлтэд хамтран ажиллах зорилго бүхий санамж бичиг байгууллаа.

Уулзалтаар МҮХАҮТ-ын ерөнхийлөгч Д.Энхтүвшин хувийн хэвшлийн тогтвортой хөгжилд Холбоотой хэрхэн хамтран ажиллах талаар үзэл бодлоо илэрхийлсэн бол, МББСБХ-ны Удирдах зөвлөлийн гишүүд бизнесийн салбарт банк бус санхүүгийн байгууллагын гүйцэтгэх үүрэг, нийтлэг эрх ашгаа хамгаалах хэрэгцээ шаардлага болон “Хариуцлагатай санхүүгийн жил”-ийн хүрээнд хэрэгжүүлж буй үйл ажиллагааг танилцуулсан юм.