“ФИНТЕК ДЭХ КИБЕР АЮУЛГҮЙ БАЙДАЛ” сэдэвт хэлэлцүүлэг зохион байгууллаа

МББСБХолбоо “Финтек дэх Кибер Аюулгүй Байдал” сэдэвт хэлэлцүүлгийг МФХолбоо, Инфосек интелиженс ХХК-тай хамтран 2023 оны 6-р сарын 16-ны өдөр амжилттай зохион байгууллаа.

Тус хэлэлцүүлгийг нээж СЗХ-ны ББСБ-ын газрын дарга Б.Итгэлсүрэн, МББСБХолбооны Ерөнхийлөгч З. Алтанзул нар үг хэллээ. Хэлэлцүүлгийн хүрээнд MNCERTCC мөн ЦЕГ-ын Цахим гэмт хэрэгтэй тэмцэх хэлтсийн төлөөлөл нар зочин илтгэгчээр оролцож Кибер Аюулгүй байдал сэдвийн хүрээнд илтгэл тавьсан бол Инфосек Интелиженс ХХК-ийн Гүйцэтгэх захирал С.Баярмагнай “Мэдээллийн Аюулгүй Байдлын Бодлого” жишиг журмыг танилцуулав.

Хэлэлцүүлгийн “Кибер аюулгүй байдал” сэдвийн хүрээнд Цахим хөгжил, харилцаа холбооны яам, МИК Холдинг ХК, Монголын банкны холбоо, ЦЕГ-ын Цахим гэмт хэрэгтэй тэмцэх хэлтсийн төлөөллүүд оролцож кибер аюулгүй байдлын тухай хуулийн хэрэгжилт, Мэдээллийн аюулгүй байдлын менежментийн тогтолцоог нэвтрүүлсэн туршлага, Банкны тухай хуулийн мэдээллийн технологийн шаардлага мөн ЦЕГ зүгээс хийж хэрэгжүүлж байгаа ажлуудын талаар хэлэлцсэн бол “ББСБ-Финтек” сэдэвт хэлэлцүүлэгт СЗХ-ны ХШЗГ-ын Ахлах зөвлөх А.Баянмөнх, Ард кредит ББСБ-ын Гүйцэтгэх захирал Г.Тэлмэн, Мобифинанс ББСБ-ын Гүйцэтгэх захирал Ш.Оюунчимэг, Таванбогд финанс ББСБ-ын Гүйцэтгэх захирал У.Өрнөхжаргал нар оролцож өөрсдийн ББСБ-ын туршлагаа хуваалцаж СЗХ-ноос баталсан холбогдох журмуудын хэрэгжилтэд тулгарч буй асуудал, бэрхшээл сорилтуудын талаар санал солилцлоо.

Энэ удаагийн хэлэлцүүлэгт хүрэлцэн ирсэн зочин илтгэгч, панелистууд, нийт оролцогчид болон ивээн тэтгэж хамтран ажилласан Таванбогд финанс ББСБ, Мобифинанс ББСБ-ын удирдлага, хамт олонд нийт гишүүн байгууллагуудын өмнөөс талархал илэрхийлье.