“ХҮҮХДИЙН ГАР ЗУРГИЙН УРАЛДААН” 10 ДАХЬ ЖИЛДЭЭ АМЖИЛТТАЙ ЗОХИОН БАЙГУУЛАГДЛАА

МББСБХолбоо энэ жилийн хүүхдийн гар зургийн уралдааныг “БИД САНХҮҮЧ ГЭР БҮЛ” сэдвийн хүрээнд ЛэндМН ББСБ-тай хамтран амжилттай зохион байгууллаа.

Авьяаслаг бяцхан зураачид маань бүтээлээрээ дамжуулан гэр бүлийн хадгаламж, санхүүгийн төлөвлөлт, ирээдүйн зорилгоо өөрсдийн уран сэтгэмж, өнгө будгийг хослуулан илэрхийлсэн нь эцэг эхчүүд болон зохион байгуулагчид бидний сэтгэлийг маш  их хөдөлгөж байлаа.

Гар зургийн уралдаанд ирүүлсэн нийт 116 бүтээлээр 2023 оны 05 дугаар сарын 29-30-ны өдрүүдэд ЛэндМН ББСБ-ын харилцагчийн үйлчилгээний төвд ҮЗЭСГЭЛЭН гаргасан бөгөөд мэргэжлийн зураач Шүүгч бүтээлүүдийн уран сэтгэмж, зурах техник, бүтээлч байдлыг харгалзан үзэж дараах 9 хүүхдийн бүтээлийг шилдгээр шалгаруулсан юм.