Монголбанкны ЗМС-нд мэдээлэл нийлүүлэгч ББСБ-ын анхааралд
Монголбанкны Ерөнхийлөгчийн 2024 оны 3-р сарын 15-ны өдрийн А-31 дүгээр тушаалаар батлагдсан шинэчилсэн дата протоколын дагуу мэдээлэл нийлүүлэгч байгууллагууд болон ЗМҮҮЭ нь зээлийн мэдээллийн сангийн туршилтын серверт зээлийн мэдээллийг тухай бүр байршуулж, мэдээлэл нийлүүлэх тест орчныг эхлүүлж холбогдох арга хэмжээг үе шаттай авч хэрэгжүүлж байгаа юм.
Энэ хүрээнд МББСБХолбооноос мэдээлэл нийлүүлэх протоколд холбогдох саналаа хүргүүлсэн, тодруулбал хуулийн этгээдийн мэдээлэл нийлүүлэх 19 бүлгээс 12 бүлэгт, иргэний мэдээлэл нийлүүлэх 16 бүлгээс 13 бүлэгт холбогдох өөрчлөлт оруулах саналыг, тайлбарын хамт хүргүүлсэн.
Монгол банк нь зээлийн мэдээллийг JSON технологид суурилсан протоколын дагуу, ЗМҮҮЭ-ээр дамжуулан хүлээн авах шилжилтийг эхлүүлэх бэлтгэл ажлын хүрээнд мэдээлэл нийлүүлэгчдээс ирүүлсэн саналыг хүлээн авч, шинэ протоколын дагуу заавал бөглөх ч зарим мэдээлэл нийлүүлэгч байгууллага бөглөх боломжгүй байгаа талбаруудын эрх зүйн орчныг судлан Монголбанкны Ерөнхийлөгчийн 2025 оны 08 дугаар сарын 01-ний өдрийн А-179 дугаар тушаалаар “Зээлийн мэдээллийн санд зээлийн мэдээлэл нийлүүлэх протокол”-ыг шинэчлэн батласан байна. Мөн JSON-д суурилсан протоколын зарим талбаруудад хамаарах, эрх бүхий төрийн байгууллагад байгаа мэдээллийг Монголбанкаар дамжуулан авах хүсэлтийг мэдээлэл нийлүүлэгчдээс ирүүлсний дагуу холбогдох эрх зүйн орчныг судлан, Улсын бүртгэлийн ерөнхий газарт бүртгэлтэй холбогдох мэдээллүүдийг гаргуулан авч, өгөхөөр болсон.
Иймд Та бүхэн шинэчлэн баталсан протоколын дагуу өөрийн мэдээлэл хүлээн авах, дамжуулах системд хөгжүүлэлт хийх бэлтгэл ажлыг ханган ажиллана уу.
