БҮХ ГИШҮҮДИЙН ЭЭЛЖИТ ХУРАЛ ЗОХИОН БАЙГУУЛЛАА

МББСБХолбооны Бүх гишүүдийн хурал 2025 оны 03 сарын 14-нд амжилттай зохион байгуулагдлаа.

МББСБХолбоо, 2025 онд “Харилцагч төвтэй санхүүгийн жил” уриа дор харлцагчийг хамгаалах үйл ажиллагааг хэрэгжүүлэн, салбарын тогтвортой хөгжлийг дэмжих олон талт хамтын ажиллагаатай бодлого баримтлан ажиллаж байна.

Холбооны ерөнхийлөгч З.Алтанзул нээлтийн үгэндээ “2024 онд салбар үсрэнгүй хөгжсөн, санхүүгийн салбарт дахь байр сууриа бэхжүүлсэн жил байсан бөгөөд Холбооны хувьд гишүүдийн нийтлэг эрх ашгийг хамгаалахаас гадна тогтвортой хөгжлийг дэмжих, нийгмийн хариуцлагыг дээшлүүлэх олон талын үйл ажиллагаа хэрэгжүүлсэн жил байлаа.

Хөгжлийн дунд хугацааны стратегийн хүрээнд харилцагчийг хамгаалах, тэр дундаа өрийн дарамтаас сэргийлэх, олон улсын стандартыг нэвтрүүлэх, комплаенсыг хангуулах, хууль эрх зүйн орчныг сайжруулах, санхүүгийн хүртээмжийг нэмэгдүүлэх, Холбооны судалгааны суурь бааз бүрдүүлэх тал дээр онцгойлон ажиллаж байна.

Түүнчлэн төрийн бүх түвшний шийдвэр гаргалтад салбарын дуу хоолойг хүргэн, хүнд суртлыг бууруулах, салбарын нэр хүндэд сөргөөр нөлөөлөх шалтгаан нөхцлийг багасгах чиглэлээр анхаарч ажилласан.

2025 онд бид дээрх үйл ажиллагаануудыг үргэлжлүүлэн хэрэгжүүлж, зах зээл болон салбарт учирч болох эрсдэлээс урьдчилан сэргийлэх, тогтвортой хөгжлийг бүрдүүлэх үйл ажиллагаануудад оролцогч талуудын хамт анхаарч ажиллана хэмээв. Мөн тэрээр нийгмийн хариуцлагын хүрээнд хамтран ажиллаж ирсэн нийт гишүүн байгууллагууддаа чин сэтгэлийн талархал илэрхийлэв.

Бүх гишүүдийн хуралд СЗХ-ны Ахлах зөвлөх Д.Болдмягмар хүрэлцэн ирж мэндчилгээ дэвшүүлэн “Монгол улсад нийгэм, байгаль орчинд ээлтэй тогтвортой санхүүжилтийн тогтолцоог хөгжүүлж, ногоон зээлийг дэмжихийн төлөөх хамтарсан тунхаг бичиг”-т гарын үсэг зурах гурван талт арга хэмжээнд оролцлоо. Д.Болдмягмар хэлсэн үгэндээ “Салбар нь хурдацтай хөгжиж, ДНБ-ний 9%-ийг бүрдүүлж байна. Холбооны хувьд салбарын энэхүү хөгжлийг нийгэмд үр өгөөжтэй, тогтвортой байлгаж хөгжүүлэх нь чухал болохыг дурьдаад 2025 онд эхлэх Үндэсний эрсдэлийн үнэлгээний ажилд Холбоо нь гишүүдийн хамтаар хамтран ажиллаж, амжилттай ажиллахыг уриалав. Мөн СЗХ Холбооны үйл ажиллагааг дэмжиж хамтран ажиллаж байгаагаа бүх гишүүдэд онцлов.

Хурлаар Удирдах зөвлөл, Ажлын алба 2024 онд Холбоо хэрхэн ажилласан, ямар ахиц дэвшил гаргасан, төлөвлөгөөний хүрээнд хэрэгжүүлсэн ажлаа гишүүддээ тайлагнасан ба Хяналтын зөвлөл нь аудитын тайлан, Холбооны үйл ажиллагаанд хийсэн дүгнэлтийг танилцуулсан бөгөөд гишүүд хангалттай сайн гэж дүгнэв.

Мөн Холбооны гишүүний ангилал, хураамжийн хэмжээг шинэчлэн тогтоож, 2025 оны төсвийг гишүүдийн 100%-ийн саналаар батлав.

Түүнчлэн энэ удаагийн хурлаар Хяналтын зөвлөлийн нөхөн сонгууль, Удирдах зөвлөлийн ээлжит сонгууль явагдаж, Холбооны дүрэмд нэмэлт өөрчлөлт оруулахыг бүх гишүүд дэмжлээ.

Хяналтын зөвлөлийн гишүүнээр:

Си И Си инвестмент ББСБ-ын гүйцэтгэх захирал Н.Урантуяа

Удирдах зөвлөлийн гишүүнээр /улиран сонгогдсон/:

• Транскапитал ББСБ-ын Гүйцэтгэх захирал З.Алтанзул

• БИД ББСБ-ын ТУЗ-ийн дарга А.Алтансүх

• Инвескор ББСБ-ын Гүйцэтгэх захирал Д.Баясгалан

• Микрокредит ББСБ-ын Гүйцэтгэх захирал Г.Булганчимэг

• Ард Кредит ББСБ-ын Гүйцэтгэх захирал Г.Сүхбаатар

• Мобифинанс ББСБ-ын Гүйцэтгэх захирал М.Бүдбазар

• Про Кредит ББСБ-ын Гүйцэтгэх захирал С.Мөнхзул

Удирдах зөвлөлийн гишүүнээр /шинээр сонгогдсон/:

• Бичил Глобус Финанс ББСБ-ын Гүйцэтгэх захирал С.Отгонбат