“ХҮҮХДИЙН ГАР ЗУРГИЙН УРАЛДААН”-ЫГ АРВАН ХОЁР ДОХ ЖИЛДЭЭ АМЖИЛТТАЙ ЗОХИОН БАЙГУУЛЛАА.

Монголын банк бус санхүүгийн байгууллагуудын холбоо энэ жилийн хүүхдийн гар зургийн уралдааныг“БИД САНХҮҮЧ ГЭР БҮЛ” сэдвийн хүрээнд Шийдэл финанс, Алтан зоос капитал, Газар капитал партнерс ББСБ-ын хамт олонтой хамтран амжилттай зохион байгууллаа.

Авьяаслаг бяцхан зураачид маань бүтээлээрээ дамжуулан гэр бүлийн санхүүгийн төлөвлөлт, хадгаламж, ирээдүйн зорилгоо өөрсдийн уран сэтгэмж, өнгө будгийг хослуулан илэрхийлсэн нь арга хэмжээнд оролцогсдын сэтгэлийг маш их хөдөлгөлөө.

Гар зургийн уралдаанд Улаанбаатар хот, Налайх, Багануур дүүрэг, Өмнөговь, Дархан-Уул аймгуудаас ирүүлсэн нийт 110 бүтээлээр 2025 оны 05 дугаар сарын 30-ний өдөр Алтан зоос капитал ББСБ-ын оффист үзэсгэлэн гаргалаа.

Сити Их сургуулийн уран зургийн багш, зураач, уран барималч Б.Цагаадай бүтээлүүдийн уран сэтгэмж, зургийн сэдэв, зурах техник, бүтээлч байдлыг харгалзан үзэж дараах 9 хүүхдийн бүтээлийг шилдгээр шалгаруулсан юм.

4-6 нас:

Тэргүүн байр: Ж.Энэрэлт 5настай

Дэд байр: Б.Мэргэн 6 настай

Гутгаар байр: Н.Цасангоо 4настай

7-9 нас:

Тэргүүн байр: Б.Анхилуун 7 настай

Дэд байр: Б.Ирмүүн 9 настай

Гутгаар байр: Э.Эсүйлэн 7 настай

10-12 нас:

Тэргүүн байр: О.Өнө-Эрдэнэ 10 настай

Дэд байр: Э.Хулан 12 настай

Гутгаар байр: Д.Марал 11 настай

Гар зургийн уралдааныг зохион байгуулагч МББСБХолбооны Удирдах зөвлөлийн төлөөлөл болон Ивээн тэтгэгч байгууллагаар хамтран ажилласан Шийдэл финанс ББСБ-ын Гүйцэтгэх захирал Ч.Баатар, Алтан зоос капитал ББСБ-ын Үйл ажиллагаа хариуцсан захирал Г.Оргилболд, Газар капитал партнерс ББСБ-ын Үйл ажиллагаа хариуцсан захирал М.Тунгалаг нар шагналт байранд шалгарсан авьяаслаг хүүхдүүддээ шагнал гардуулав.

Тэргүүн байр: Өргөмжлөл, унадаг дугуй, гарын бэлэг, дурсгалын зүйл

Дэд байр: Өргөмжлөл, Дрон, Тоглоом, гарын бэлэг, дурсгалын зүйл

Гутгаар байр: Өргөмжлөл, Ролик, Тоглоом, гарын бэлэг, дурсгалын зүйл

Мөн уралдааныг зохион байгуулагчдын зүгээс бүтээлээ ирүүлсэн хүүхэд бүрт батламж, гарын бэлэг гардуулав.

Арван хоёр дох жилдээ зохион байгуулж буй “БИД САНХҮҮЧ ГЭР БҮЛ” сэдэвт энэ удаагийн гар зургийн уралдааны Ивээн тэтгэгчээр хамтран ажилласан

Шийдэл финанс ББСБ

Алтан зоос капитал ББСБ

Газар капитал партнерс ББСБ-ын удирдлага, хамт олон Та бүхэндээ, бүтээлээ ирүүлсэн нийт хүүхэд багачууд болон гишүүн байгууллагуудынхаа өмнөөс чин сэтгэлийн талархал илэрхийлье.

Айл гэрийн амин эрдэнэ, эх орны гэрэлт ирээдүй болсон хүүхэд багачууддаа Баярын мэнд хүргэе.