Комплаенс ба ёс зүй анхан шатны онлайн сургалт

“Банк санхүүгийн академи”-тай хамтран явуулдаг “Комплаенс ба ёс зүй” сэдэвт комплаенсын анхан шатны онлайн сертификатжуулсан сургалтнь 2026 оны 2-р сарын 13-нд эхэлнэ.

СЗХ-ны сургалтын журмын 2.3.7 болон 2.4.2 дахь заалтад өөрчлөлт орсны дагуу энэхүү сургалт нь заавал хамрагдах сургалт болсон.

/МУТСТ тухай хуулийн 4.1.-д заасан Мэдээлэх үүрэгтэй этгээдүүдийн МУТСТ үйл ажиллагаа хариуцсан комплаенсын ажилтнууд болон хууль эрх зүй, дотоод хяналт хариуцсан ажилтнууд нь “Комплаенсын ажилтан мэргэшүүлэх сургалт”-д суухад энэхүү анхан шатны сургалтад суусан байх шаардлага тавигддаг./
​

Сургалтын зорилго:Мөнгө угаалт, терроризмыг санхүүжүүлэхтэй тэмцэх хуулийн ойлголтыг өгөх, хуулийн дагуу ББСБ нь сэжигтэй гүйлгээг мэдээлэх үүрэгтэйг ойлгуулах, ББСБ-д зориулсан комплаенсын болон ёс зүйн бодлого журмын хэрэгжилтийг хангахад туслах, ажилтнуудад комплаенс болон ёс зүйн стандартыг таниулах, зөв хандлагыг бий болгох, ажлын байранд гардаг нийтлэг ёс зүйн алдаанаас танилцуулж, сэргийлэх аргад сургах юм.

Сургалтын агуулга: Сургалтын агуулга нь 3 модулийн 5 хичээлээс бүрдэх ба хичээлүүд үндсэн хичээл, кейс дасгал ажил, шалгалт гэсэн 3 хэсэгтэй байна.

Сургалтын хэлбэр: Оролцогч хичээлийг онлайнаар судлах бөгөөд үргэлжлэх хугацаа 14 өдөр байна. Бүх нийтийн амралтын өдрийг алгасаж тооцно.

Нийт 5 хичээл, 5 шалгалттай байх бөгөөд сургалтыг дуусгахын тулд бүх шалгалт болон сургалтын үнэлгээ амжилттай байх шаардлагатай. Өөрөөр хэлбэл, модуль тус бүрийг амжилттай судалсны дараа шалгалтаа амжилттай өгч байж, дараагийн модуль сургалт эхлэх болно. Шалгалтын босго оноо 75% байна.

Сургалтын материалуудыг зөвхөн онлайн сургалтын систем дээрээс үзэж судлах боломжтой бөгөөд татаж авах боломжгүй.Сургалтын материалуудыг дурын төхөөрөмжөөс үзэх боломжтой.

Бүртгэл: Сургалтад хамрагдах хүний мэдээллийг training@bbsb.mn хаягаар 2-р сарын 11-ний өдрийн 15:00 цагаас өмнө ирүүлнэ үү. 

Жич: Онлайн сургалт тул е-мэйл хаягаа зөв бичсэн эсэхээ шалгахыг анхааруулж байна.