Сайн байцгаана уу,
“Компанийн тухай” хуулийн 75.8-д “Төлөөлөн удирдах зөвлөлийн гишүүн болон төлөөлөн удирдах зөвлөлийн нарийн бичгийн дарга нь компанийн засаглалын чиглэлээр сургалтад хамрагдаж, гэрчилгээ авсан байна” гэж заасны дагуу “Компанийн засаглалын гэрчилгээ олгох онлайн сургалт”-д хамрагдаж, компанийн засаглалыг хэрхэн төгөлдөржүүлэх, алдаанаас хэрхэн зайлсхийх талаар мэдлэг олж авахаас гадна эрх бүхий гэрчилгээ гардан авахыг урьж байна. Сургалтыг Банк Санхүүгийн Академийн туршлагатай сургагч багш нар удирдан явуулна.
Зорилго:
ТУЗ-ийн гишүүд, нарийн бичгийн дарга нарт удирдлагын ур чадвар, эрх зүйн ойлголтыг олгох зорилготой. Сургалтад хамрагдсанаар Санхүүгийн Зохицуулах Хорооны Компанийн засаглалын Үндэсний зөвлөлийн дугаартай гэрчилгээ олгогдох ба Та Монгол Улсын компанийн тухай хуулийн дагуу компанийн ТУЗ-д сонгогдох эрхтэй болно.
Тус сургалт нь 2023 оны 08 дугаар сарын 29-31-ний өдрүүдэд өглөө 10:00-13:00 цагт онлайнаар явагдана.
Бүртгэл:
Та бүхэн оролцох хүний мэдээллийг /овог, нэр, ББСБ-ын нэр, албан тушаал, утасны дугаар, и-мэйл хаяг/ admin@bbsb.mn хаягаар 08 дугаар сарын 25-ны дотор ирүүлнэ үү.
Course Features
- Lectures 0
- Quizzes 0
- Duration 8 цаг
- Skill level All levels
- Students 0
- Assessments Yes